Қатысушы 2024 жылғы 15 ақпан - 20 сәуір аралығында https://aitys.elumiti.kz/ сайтында байқауға тіркелуі қажет. Байқауға тіркелген Қатысушылар автоматты түрде «Aitys club» мүшесі атанады.

2024 жылғы 15 ақпан - 20 сәуір аралығында Қатысушы төменде көрсетілген 5 тақырып бойынша 2-уін таңдап, айтыс форматында (өлеңмен, айтыс мақамымен және музыкалық аспаптың сүймелдеуімен) өнер көрсетуін қамтитын 2 бейнеролик дайындауы керек:
1) Абай Құнанбайұлының 45 қара сөздері (біреуін таңдау қажет);
2) Тәуелсіздік жолын жалғастырар ұрпақ;
3) Ана сүтін ақтамағанды ешкім мақтамайды;
4) Жасанды интеллект – адамзат үшін қауіпті ме? Жасанды интеллекттің маңызы неде?
5) Заманауи Қазақстан - көпұлтты мемлекет.

Қатысушы 1 бейнероликтің басында өзін өзі таныстыруы қажет.

Қатысушылар бейнероликтерде өзінің орындаушылық шеберлігін, әдеби тіл байлығын, тақырыпты дұрыс аша білуін көрсетіп, дәстүрлі айтыс мақамын үйлестіре қолдану, тақырыптан ауытқымай, ұйқастыра жеткізу керек. Әрбір бейнеролик 3 минуттан аспауы қажет.

Қатысушы 2024 жылғы 20 сәуірге дейін дайындалған бейнероликтерді Instagram немесе Tik Tok желісіндегі жеке парақшасында #айтыскер2024 хэштегімен орналастырып, Ұйымдастырушының @el_umiti.kz және @aitys.elumiti парақшаларын белгілеуі қажет немесе Қатысушы аты-жөнін, өңірін, туған күнін көрсете отырып, бейнероликтерді aitys.elumiti@gmail.com электронды поштасына жіберуі керек.